د. محمد عادل
أخواتي وإخواني وأحبائي وتاج راسي ونور عيني أيها العراقيون جميعا بلا استثناء
راح احجي وياكم هاي المرة بالعامية علمود توصل حجايتي لكل الناس ومن ضيمي وقهري لرؤية الدماء العراقية الطاهرة
ليش من يصير انفجار اجرامي إرهابي على الأبرياء في الأسواق والشوارع لا سمح الله واسم الله عليكم جميعا تتجمعون وتنطون مجال للإرهابي الثاني الذي يتربص بكم الفرصة أن يفجر نفسه بالناس الأبرياء المتجمعين لمشاهدة الانفجار الأول ويصبح عدد الشهداء من الأبرياء أضعافا مضاعفة
رجاءا رجاءا لخاطر الله ورحمة لوالديكم إذا صار أي تفجير ابتعدوا عنه قدر الإمكان إذا ما عندكم أقارب أو أصدقاء ضحايا وحتى إذا عندكم ضحايا تعرفونهم قابل شراح تنفعوهم لا عندكم خبرة بالإسعافات الأولية ولا عندكم أدوية تفيد الضحايا ولا تمتلكون سيارة إسعاف واحتمال تشيلون المصاب من تسعفوه بطريقة تأذيه متفيده ويجوز أن تتسببوا له بمضاعفات خطيرة ويجوز انتم تصيرون سبب لموته لا سمح الله من تشيلوه غلط إذا عنده كسر بالرقبة مثلا او أي مكان حساس اخر.
ولا تنسون انتم لبسكم مدني بينما فرق الإنقاذ والشرطة لبسهم مختلف يعني الإرهابي الثاني لأنه ملابسه وهدومه تختلف عن الإسعاف والمطافئ والجيش والشرطة فراح يبين إذا جاء يفجر نفسه إذا متجمعتم على الانفجار الأول
بينما إذا انتوا متجمهرين ومتجمعين راح يضيع بيناتكم لأنه ملابسة تشبه ملابسكم يعني ملابس اعتيادية مو زي رسمي
وتجمعكم راح يعرقل المسعفين المتدربين وفرق الإنقاذ والشرطة وراح ينطي فرصة انه لا سمح الله يجي إرهابي ثاني ويفجر نفسه بيكم وبدل ميستشهد واحد يستشهدون عشرة لا سمح الله
شغلة اخرى لماذا ليست هناك حملة إعلامية لتوعية إخواني المواطنين العراقيين حول كيفية التصرف في حال وقوع انفجار ارهابي ؟؟
أمانة لكل من توصله رسالتي هذه يحجي بيه لأهله وأصدقاءه ومعارفه ويرسلهة لكل من في ايمايله لتثقيف العراقيين وتقليل دماء الشهداء
وحسبنا الله ونعم الوكيل
اللهم ارحم شهداء العراق
اللهم احفظ العراق
اللهم احفظ شعب العراق الواحد الموحد
Baghdad_mohammed_doctor@yahoo.com
راح احجي وياكم هاي المرة بالعامية علمود توصل حجايتي لكل الناس ومن ضيمي وقهري لرؤية الدماء العراقية الطاهرة
ليش من يصير انفجار اجرامي إرهابي على الأبرياء في الأسواق والشوارع لا سمح الله واسم الله عليكم جميعا تتجمعون وتنطون مجال للإرهابي الثاني الذي يتربص بكم الفرصة أن يفجر نفسه بالناس الأبرياء المتجمعين لمشاهدة الانفجار الأول ويصبح عدد الشهداء من الأبرياء أضعافا مضاعفة
رجاءا رجاءا لخاطر الله ورحمة لوالديكم إذا صار أي تفجير ابتعدوا عنه قدر الإمكان إذا ما عندكم أقارب أو أصدقاء ضحايا وحتى إذا عندكم ضحايا تعرفونهم قابل شراح تنفعوهم لا عندكم خبرة بالإسعافات الأولية ولا عندكم أدوية تفيد الضحايا ولا تمتلكون سيارة إسعاف واحتمال تشيلون المصاب من تسعفوه بطريقة تأذيه متفيده ويجوز أن تتسببوا له بمضاعفات خطيرة ويجوز انتم تصيرون سبب لموته لا سمح الله من تشيلوه غلط إذا عنده كسر بالرقبة مثلا او أي مكان حساس اخر.
ولا تنسون انتم لبسكم مدني بينما فرق الإنقاذ والشرطة لبسهم مختلف يعني الإرهابي الثاني لأنه ملابسه وهدومه تختلف عن الإسعاف والمطافئ والجيش والشرطة فراح يبين إذا جاء يفجر نفسه إذا متجمعتم على الانفجار الأول
بينما إذا انتوا متجمهرين ومتجمعين راح يضيع بيناتكم لأنه ملابسة تشبه ملابسكم يعني ملابس اعتيادية مو زي رسمي
وتجمعكم راح يعرقل المسعفين المتدربين وفرق الإنقاذ والشرطة وراح ينطي فرصة انه لا سمح الله يجي إرهابي ثاني ويفجر نفسه بيكم وبدل ميستشهد واحد يستشهدون عشرة لا سمح الله
شغلة اخرى لماذا ليست هناك حملة إعلامية لتوعية إخواني المواطنين العراقيين حول كيفية التصرف في حال وقوع انفجار ارهابي ؟؟
أمانة لكل من توصله رسالتي هذه يحجي بيه لأهله وأصدقاءه ومعارفه ويرسلهة لكل من في ايمايله لتثقيف العراقيين وتقليل دماء الشهداء
وحسبنا الله ونعم الوكيل
اللهم ارحم شهداء العراق
اللهم احفظ العراق
اللهم احفظ شعب العراق الواحد الموحد
Baghdad_mohammed_doctor@yahoo.com
طبيب تعبان من رؤية الدماء العراقية الطاهرة
ليست هناك تعليقات:
إرسال تعليق